Nagpur | आकाशवाणी न्यूज

October 9, 2024 8:22 PM

धम्मचक्र प्रवर्तन वर्धापन दिनानिमित्त नागपूरमध्ये कार्यक्रमाचं आयोजन

६८व्या धम्मचक्र प्रवर्तन वर्धापन दिनानिमित्त नागपूरमध्ये दीक्षाभूमी इथं उद्या १० ऑक्टोबर ते १२ ऑक्टोबरदरम्यान कार्यक्रमाचं आयोजन करण्यात आलं आहे. उत्तर प्रदेशाच्या कुशीनगर इथले भिख्खु संघाचे अध्यक्ष भदंत ए. ए. बी. ज्ञानेश्वर आणि महाबोधी महाविहार मुक्ती आंदोलनाचे प्रणेते आकाश लामा यांची या कार्यक्रमात प्रमुख उपस्थिती असेल, अशी माहिती दीक्षाभूमीच्या डॉक्टर बाबासाहेब आंबेडकर स्मारक समितीचे अध्यक्ष भदंत आर्य नागार्जुन सुरेई ससाई यांनी दिली.

October 7, 2024 7:04 PM

नागपूर जिल्हा परिषदेच्या विविध मागण्यांसाठी धरणं आंदोलन

नागपूर जिल्हा परिषदेच्या विविध मागण्यांसाठी आज धरणं आंदोलन करण्यात आलं. यावेळी, जिल्ह्यातल्या ग्रामिण भागाच्या विकास निधीला राज्य शासनानं सूडबुध्दीनं स्थगिती दिल्याचा आरोप करण्यात आला. आंदोलनात जिल्हा परिषद अध्यक्ष मुक्ता कोकडे, माजी मंत्री सुनील केदार, जिल्हा परिषद उपाध्यक्ष कुंदा राऊत सहभागी झाले होते.

October 7, 2024 3:46 PM

धम्मचक्र प्रवर्तन दिनानिमित्त नागपुरसाठी विशेष रेल्वे गाड्याचं नियोजन

धम्मचक्र प्रवर्तन दिनानिमित्त मध्य रेल्वेनं नागपूरसाठी विशेष रेल्वे गाडी सोडण्याचं नियोजन केलं आहे. पुणे-नागपूर विशेष रेल्वे गाडी पुण्याहून ११ ऑक्टोबरला दुपारी ४ वाजता सुटेल आणि दुसऱ्यादिवशी सकाळी पावणे सात वाजता नागपूरला पोहचेल. ही गाडी नागपूरहून १२ ऑक्टोबरला रात्री ११ वाजता सुटेल आणि पुण्याला दुसऱ्यादिवशी रात्री ८ वाजता पोहचेल.

September 27, 2024 3:04 PM

विदर्भात औद्योगिक क्षेत्रात पायाभूत सुविधा मजबूत करण्यासाठी ४०० कोटी रुपयांची तरतूद

विदर्भातल्या औद्योगिक क्षेत्रात पायाभूत सुविधा आणखी मजबूत करण्यासाठी ४०० कोटी रुपयांची तरतूद केली जाणार आहे. उद्योगमंत्री उदय सामंत यांनी आज नागपुरात ‘उद्यमात सकल समृद्धी, महाराष्ट्राची उद्योग भरारी’ कार्यक्रमाच्या उद्घाटन समारंभात बोलताना ही माहिती दिली. मागच्या तीन महिन्यात एकट्या महाराष्ट्रात ७५ हजार कोटी रुपयांची थेट परकीय गुंतवणूक झाली असून, गुंतवणूकीचा हा प्रवाह असाच सुरू राहणार अ‍सल्याचं ते म्हणाले. पुढच्या वर्षापर्यंत गडचिरोली जिल्ह्याची नक्षलग्रस्त जिल्हा ही ओळख पुसून, उद्योगनगर...

September 20, 2024 3:41 PM

विरोधकांनी राज्याला बदनाम करण्याचे धोरणआखल्याची मुख्यमंत्र्यांची टीका

प्रधानमंत्री नरेंद्र मोदी यांच्या पुढाकारामुळे राज्यात विविध प्रकल्पांची सुरुवात आणि पायाभूत सुविधांचा विकास होत आहे. मात्र, राज्याला बदनाम करण्याचे धोरण विरोधकांनी आखल्याची टीका मुख्यमंत्री एकनाथ शिंदे यांनी केली. नागपूर विमानतळावर काल ते वार्ताहरांशी बोलत होते.मुख्यमंत्री लाडकी बहीण योजनेच्या यशामुळे विरोधकांच्या पायाखालची वाळू सरकली आहे, त्यामुळे ते जनतेची दिशाभूल करत असल्याचंही मुख्यमंत्री शिंदे यावेळी म्हणाले.

September 15, 2024 7:14 PM

अभियंता दिनानिमित्त नागपूरमध्ये राज्यस्तरीय उत्कृष्ट अभियंता पुरस्कार प्रदान

अभियंता दिनानिमित्त आज नागपूरमध्ये सार्वजनिक बांधकाम मंत्री रविंद्र चव्हाण यांच्या हस्ते राज्यस्तरीय उत्कृष्ट अभियंता पुरस्कार प्रदान करण्यात आले. सार्वजनिक बांधकाम विभागानं आयोजित केलेल्या या कार्यक्रमात उत्‍कृष्‍ट कार्य करणारे अभियंते, वास्‍तुशास्‍त्रज्ञ, अतांत्रिक संवर्गातील कर्मचारी यांचा सत्‍कार करण्‍यात आला, तसंच उत्‍कृष्‍ट प्रकल्‍प पुरस्‍कार देखील वितरीत करण्‍यात आले. सार्वजनिक बांधकाम विभागात देश उभारणीची मोठी ताकद असल्याचे गौरवोद्गार रविंद्र चव्हाण यांनी यावेळी काढले.

September 14, 2024 7:44 PM

नागपुरात गरजू विद्यार्थ्यांना श्रवणयंत्र वितरित

दिव्यांगांची सेवा हीच खरी ईश्वरसेवा असून त्यांच्या उदरनिर्वाहाचे प्रश्न सोडवल्यानं आपल्याला समाधान मिळतं, असं केंद्रीय मंत्री नितीन गडकरी म्हणाले. नागपूर इथं आधार संस्था आणि वेकोलिच्या संयुक्त विद्यमाने गरजू विद्यार्थ्यांना श्रवणयंत्र वितरित करण्यात आली, त्यावेळी ते बोलत होते. आपण आतापर्यंत ४० हजार दिव्यांगांना उपयोगी पडणारं साहित्य वितरित केलं आहे, ८० दिव्यांगांना कृत्रिम पाय लावून देण्यासाठी मदत केली आहे असं गडकरी यांनी सांगितलं. संपूर्ण विदर्भातल्या दिव्यांगांना दिव्यागांना आवश्यक साहित्य वाट...

September 9, 2024 6:58 PM

नागपूर इथल्या मिहान प्रकल्पग्रस्तांच्या समस्या सोडवण्यासाठी तातडीने पावलं उचलण्याचे मुख्यमंत्र्यांचे निर्देश

नागपूर इथल्या मिहान प्रकल्पग्रस्तांच्या समस्या सोडवण्यासाठी तातडीने पावलं उचलण्याचे निर्देश मुख्यमंत्री एकनाथ शिंदे यांनी आज दिले. मुंबईच्या सह्याद्री अतिथीगृहात उपमुख्यमंत्री देवेंद्र फडणवीस यांच्या उपस्थितीत बैठक झाली. मिहान प्रकल्पांतर्गत विकसित भूखंडासाठी आकारण्यात येणारं शुल्क योग्य असावं तसंच प्रकल्पाच्या निधीसाठी सुधारित प्रशासकीय मान्यतेचा प्रस्ताव बैठकीसमोर सादर करावा, अशा सूचनाही मुख्यमंत्र्यांनी यावेळी दिल्या. मिहान परिसरातल्या ग्रामपंचायत क्षेत्रात बांधण्यात आलेली व्यापारी संकुलं ही...

September 7, 2024 11:58 AM

मुख्यमंत्री एकनाथ शिंदे यांच्याच नेतृत्वाखाली निवडणूक लढवण्याचा उपमुख्यमंत्री देवेंद्र फडणवीस यांचा पुनरुच्चार

“मुख्यमंत्री एकनाथ शिंदे महायुती सरकारचे प्रमुख असून त्यांच्या नेतृत्वाखाली विधानसभा निवडणुकीला सामोरे जाऊ”, असं उपमुख्यमंत्री देवेंद्र फडणवीस यांनी पुन्हा स्पष्ट केलं आहे. ते काल नागपूर इथं वार्ताहरांशी बोलत होते. “मुख्यमंत्रीपदाचा चेहरा ठरवण्याचा अधिकार आपल्याला नसून हा निर्णय भाजपाचं संसदीय मंडळ, मुख्यमंत्री एकनाथ शिंदे आणि उपमुख्यमंत्री अजित पवार मिळून घेतील. हा निर्णय निवडणुकीच्या आधी घ्यायचा की नंतर हे तेच ठरवतील, असं त्यांनी सांगितलं. मुख्यमंत्रीपदावरून महायुतीत कसलाही संभ्रम नाही”, असंही...

September 3, 2024 7:02 PM

नागपुरात तान्ह्या पोळ्यानिमित्त मारबत आणि बडग्याची मिरवणूक

तान्ह्या पोळ्यानिमित्त नागपुरात आज मारबत आणि बडग्याची मिरवणूक काढण्यात आली. नागपुरातल्या जागनाथ बुधवारी परिसरातून पिवळी मारबत, तर नेहरू पार्क इतवारी इथून काळ्या मारबतीची मिरवणूक निघाली. या मारबत उत्सवाला १४४ वर्षांची परंपरा आहे. वर्षभरातल्या विविध घटना आणि विषयांवर भाष्य करणाऱ्या बडग्यांची देखील मिरवणूक काढली जाते. यंदा चिकुनगुनिया, डेंग्यू, रस्त्यातले खड्डे, महिलांवरचे अत्याचार, भ्रष्टाचार महागाई, वाढती बेरोजगारी विषयांवरच्या बडग्यांनी नागरिकांचं लक्ष वेधलं. वाशिममधे तान्ह्या पोळ्यानिम...

Social Media Links