पहिली ग्रीको रोमन महाराष्ट्र केसरी कुस्ती स्पर्धा

महाराष्ट्र राज्य कुस्तीगीर संघाच्या वतीने पहिल्या वरिष्ठ ग्रीको रोमन राज्यस्तरीय अजिंक्यपद महाराष्ट्र केसरी कुस्ती स्पर्धेचे आयोजन करण्यात आले आहे. येत्या २२ आणि २३फेब्रुवारी रोजी लोणीकंद मधल्या हिंद केसरी मैदानावर ही स्पर्धा होणार आहे. या राज्यस्तरीय कुस्ती स्पर्धेत महाराष्ट्र राज्य कुस्तीगीर संघाची मान्यता असलेले ६ महानगरपालिका आणि ३६जिल्हा असे ४२जिल्हा कुस्तीगीर संघ सहभागी होणार आहेत. १० वजन गटांमध्ये सुमारे ४०० कुस्तीगीर या स्पर्धेत सहभागी होत आहेत.