Indonesia | आकाशवाणी न्यूज

मलेशिया आणि इंडोनेशिया या देशांकडून ‘ग्रोक’ या AI आधारित चॅट बॉटवर बंदी — This photograph shows a smartphone screen displaying the logo of Grok, a generative chatbot based on artificial intelligence developed by the American company xAI, against a bright green and black background, in Creteil, France, on September 9, 2025. (Photo by Samuel Boivin/NurPhoto via Getty Images)

January 12, 2026 1:38 PM

111

मलेशिया आणि इंडोनेशिया या देशांकडून ‘ग्रोक’ या AI आधारित चॅट बॉटवर बंदी

मलेशिया आणि इंडोनेशिया या देशांनी ग्रोक या कृत्रिम बुद्धिमत्ता आधारित चॅट बॉट वर बंदी घातली आहे. एलोन मस्क यांच्या एक्स ए आय कंपनीने तयार केलेल्या या चॅट बॉट चा वापर अश्लील छायाचित्र, चित्रफिती आणि इतर अश्लील आशयनिर्मितीसाठी होत असल्यामुळे हे पाऊल उचलल्याचं अधिकाऱ्यांनी म्हटलं आहे. डिजिटल विश्वात कार्यरत नागरिकांच्या सुरक्षितता आणि मानवाधिकारांचं यातून उल्लंघन होत असल्याचं इंडोनेशियाचे डिजिटल व्यवहार मंत्री मेतुया हफीद यांनी म्हटलंय. ग्रोकचा गैरवापर केला जाऊ नये म्हणून अनेक प्रतिबंधात्मक उपाय...

December 9, 2025 8:30 PM

इंडोनेशियात कार्यालयाला लागलेल्या आगीत २२ जणांचा मृत्यू

इंडोनेशियात राजधानी जकार्तामधे आज एका ड्रोन कंपनीच्या कार्यालयीन इमारतीला लागलेल्या आगीत किमान २२ जणांचा मृत्यू झाला. आज दुपारी ही आग लागली. अग्नीशामक दलाच्या शेकडो कर्मचाऱ्यांनी २९ बंबांच्या सहाय्यानं अथक प्रयत्न करुन ही आग आटोक्यात आणली. आतापर्यंत २२ जणांचे मृतदेह हाती लागले असल्याचं पोलिसांनी सांगितलं. १९ जणांना वाचवण्यात यश आलं, मात्र त्यांना, तसंच काही पोलीस आणि अग्निशामक दलाच्या कर्मचाऱ्यांनाही श्वास घ्यायला त्रास होत आहे. आगीचं कारण अद्याप समजलेलं नाही.

September 11, 2025 8:15 PM

इंडोनेशियामधल्या आलेल्या पुरात चौदा जणांचा मृत्यू

इंडोनेशियामधल्या बाली इथं अतिवृष्टीमुळे आलेल्या पुरात चौदा जणांचा मृत्यू झाला असून दोघे बेपत्ता आहेत. शेकडो घरं पाण्याखाली गेली असून सार्वजनिक वाहतूक ठप्प झाली आहे. त्यामुळे बचावपथकांना बाधित ठिकाणी पोहोचायला अडचण येत आहे. तुंबलेल्या गटारांमुळे यात आणखी भर पडत आहे. तसंच पूरस्थितीचा पर्यटनावरही परिणाम झाला आहे.

January 28, 2025 3:00 PM

भारत आणि इंडोनेशियाचे नौदल प्रमुख यांच्यात द्वीपक्षीय बैठक

भारत आणि इंडोनेशियाच्या नौदल प्रमुखांमध्ये काल झालेल्या द्वीपक्षीय संवादात उभय देशांदरम्यान सागरी सहकार्य दृढ करणे आणि द्वीपक्षीय संबंध मजबूत कऱण्यासंबंधी चर्चा करण्यात आली. भारताचे नौदल प्रमुख ऍडमिरल दिनेश त्रिपाठी आणि इंडोनेशियाचे ऍडमिरल मुहम्मद अली यांच्या दिल्लीत काल सागरी शक्ती सरावाला पुढे नेणे, परिचालन सहकार्य मजबूत करणे आणि समुद्री चाचेगिरी, बेकायदेशीर कारवायांसारख्या सागरी आव्हानांना तोंड देण्यासाठी परस्पर सहकार्य मजबूत करण्याविषयी चर्चा झाली. अॅडमिरल अली यांनी ब्रह्मोस एअरोस्पेसलाही भे...

January 16, 2025 8:19 PM

इंडोनेशियाचे राष्ट्राध्यक्ष प्रबोवो सुबियांतो प्रजासत्ताक दिन सोहळ्याचे प्रमुख अतिथी

७६ व्या प्रजासत्ताक दिनाच्या कार्यक्रमाला प्रमुख पाहुणे म्हणून इंडोनेशियाचे राष्ट्राध्यक्ष प्रबोवो सुबियांतो उपस्थित राहणार आहेत. २५ आणि २६ जानेवारी रोजी ते भारत दौऱ्यावर येतील. ऑक्टोबर २०२४ मध्ये राष्ट्राध्यक्षपदाची सुत्रं हाती घेतल्यानंतर त्यांची ही पहिलीच भारत भेट आहे. या भेटीत दोन्ही देशांच्या संबंधावर द्विपक्षीय चर्चा होण्याची शक्यता आहे.

November 1, 2024 2:27 PM

भारत आणि इंडोनेशिया लष्कराच्या गरुड शक्ती या सरावाचं नववं सत्र यंदा इंडोनेशियात

भारत आणि इंडोनेशिया लष्कराच्या गरुड शक्ती या सरावाचं नववं सत्र यंदा इंडोनेशियात जकार्ता इथं होत आहे. हे सत्र येत्या १२ नोव्हेंबर पर्यंत सुरु राहील. या संयुक्त सरावात सहभागी होण्यासाठी भारतीय लष्कराची २५ जवानांची तुकडी आज जकार्ताला रवाना झाली. या तुकडीचं प्रतिनिधित्व पॅराशूट रेजिमेंट करत आहे. दोन्ही देशांच्या लष्कराची कार्यपद्धत समजून घेणं, दोन्ही सैन्याच्या विशेष दलांमध्ये परस्पर सामंजस्य, सहकार्य आणि परस्पर संबंध वाढवणं हे या सरावाचं उद्दिष्ट आहे. या अनुषंगानं या सरावात दोन्ही देशांमधली जीवनशैल...

September 26, 2024 8:38 PM

नवी दिल्लीत भारत आणि इंडोनेशिया परराष्ट्र मंत्रालयांची ८ वी सल्लामसलत बैठक

भारत आणि इंडोनेशिया परराष्ट्र मंत्रालयांची ८ वी सल्लामसलत बैठक आज नवी दिल्लीत झाली. यावेळी दोन्ही देशांनी राजकीय देवाणघेवाण, संरक्षण आणि सुरक्षा, सागरी क्षेत्र, व्यापार आणि गुंतवणूक, आरोग्यसेवा आणि कनेक्टिव्हिटी यासह द्विपक्षीय संबंधांचा आढावा घेतला. भारत-इंडोनेशिया राजनैतिक संबंधांना ७५ वर्षे पूर्ण झाल्यानिमित्त आयोजित विविध उपक्रमांवर यावेळी चर्चा झाली.

Social Media Links