आयसीसीच्या फलंदाजांच्या क्रमवारीत स्मृती मंधाना अव्वल

आयसीसीच्या महिला एकदिवसीय क्रिकेटमधे फलंदाजांच्या क्रमवारीत भारताच्या स्मृती मंधाना हिनं अव्वल स्थान पटकावलं आहे. तिच्याकडे ७२७ गुण आहेत. दक्षिण आफ्रिकेच्या लॉरा वोल्वार्ड हिची दुसऱ्या क्रमांकावर घसरण झाली असून तिच्यासह इंग्लंडची सायव्हर ब्रंट ही संयुक्तरित्या दुसऱ्या स्थानावर आहे. स्मृतीनं जागतिक क्रमवारीत अव्वल स्थान दुसऱ्यांदा पटकावलं आहे.