डाउनलोड करा
मोबाइल ॲप
May 21, 2025 1:38 PM
39
कर्नाटकच्या समुद्रकिनाऱ्यालगत तसंच घाट विभागात अतिमुसळधार पाऊस पडण्याची शक्यता हवामान विभागानं वर्तवली आहे. आसाम, मेघालय, गोवा, कोकण आणि मध्य महाराष्ट्रातही मुसळधार पावसाची शक्यता हवामान विभागानं वर्तवली आहे. उत्तराखंड, पंजाब, हरियाणा, चंढीगढ, उत्तर प्रदेशात २६ मे पर्यंत मेघगर्जनेसह मुसळधार पावसाची शक्यता वर्तवली आहे.
May 20, 2025 10:24 AM
49
कर्नाटकमध्ये येत्या दोन दिवसांत मुसळधार ते अतिमुसळधार पावसाचा इशारा हवामान विभागानं जारी केला आहे. त्यासह तामिळनाडू, कोकण, गोवा आणि महाराष्ट्रात पुढील तीन दिवस अतिमुसळधार पावसाचा इशारा हवामान विभागाकडून देण्यात आला आहे.उद्यापासून मुंबईतही मध्यम ते मुसळधार पाऊस होणार असल्याची माहिती हवामान विभागाचे वरिष्ठ शास्त्रज्ञ आर. के जेनामानी यांनी दिली आहे. देशातल्या उत्तर भागात उष्णतेची लाट तीव्र होण्याची शक्यता नसल्याचंही ते म्हणाले.
May 19, 2025 8:14 PM
50
महाराष्ट्रासह केरळ, कर्नाटक आणि गोव्यात पुढच्या पाच दिवसांत जोरदार ते मुसळधार पावसाचा इशारा हवामान विभागानं दिला आहे. ईशान्य भारत, पश्चिम बंगालचा काही भाग आणि सिक्कीममध्ये पुढचे पाच ते सहा दिवस विजांसह वादळी वारे वाहण्याचाही अंदाज आहे. राजस्थानमध्ये २२ मेपर्यंत उष्णतेच्या लाटेसारखी स्थिती राहण्याची शक्यता आहे. जम्मू-काश्मीरसह आसपासच्या भागात उद्यापर्यंत विजांच्या कडकडाटासह वादळी वारे वाहण्याची शक्यता असून उत्तराखंडमध्ये २४ मेपर्यंत तुरळक ठिकाणी हलक्या ते मध्यम पावसाचा अंदाज आहे. ...
May 19, 2025 8:19 PM
40
गेल्या २४ तासांत कोकण, मध्य महाराष्ट्र आणि मराठवाड्यात तुरळक ठिकाणी जोरदार पाऊस पडला. राज्यात आजपासून येत्या रविवारी २५ मे पर्यंत जोरदार पावसाचा इशारा मुंबई प्रादेशिक हवामान विभागानं दिला आहे. कोकण, मध्य महाराष्ट्र आणि मराठवाड्यात येत्या २१ तारखेपर्यंत सोसाट्याचा वारा आणि विजांच्या कडकडाटासह हलका ते मध्यम स्वरुपाचा पाऊस पडण्याची शक्यता हवामान विभागानं वर्तवली आहे.
May 17, 2025 1:57 PM
44
ईशान्य भारतात पुढले सात दिवस मेघगर्जनेसह वादळी पावसाची शक्यता असून अरुणाचल प्रदेश, आसाम आणि मेघालय मध्ये आज जोरदार ते अती जोरदार पाऊस पडेल, तर आंध्रप्रदेशची किनारपट्टी, कर्नाटक, केरळ, माहे, तामिळनाडू, पुद्दुचेरी, करैकल आणि तेलंगणात आज जोरदार पावसाची शक्यता आहे. दरम्यान, जम्मू-काश्मीर आणि नैर्ऋत्य उत्तर प्रदेशाच्या काही भागात आज उष्णतेची लाट राहील. बिहार आणि ओदिशामध्ये उष्ण आणि दमट हवामान राहील, तर पश्चिम राजस्थानमध्ये काही ठिकाणी धुळीचं वादळं येईल, असा हवामान विभागाचा अंदाज आहे.  ...
May 6, 2025 8:14 PM
55
गुजरातच्या अनेक भागांना आज सलग दुसऱ्या दिवशी वादळी पावसानं झोडपलं. पावसामुळे झालेल्या दुर्घटनांमधे १४ जणांचा मृत्यू झाला. मुख्यतः सौराष्ट्र आणि गुजरातमधल्या ७७ पेक्षा जास्त तालुक्यांमधे आज अवकाळी पावसानं हजेरी लावली. भावनगर जिल्ह्यात महुआ इथं साडेतीन इंचापेक्षा जास्त पाऊस झाला. पुढचे काही दिवस गुजरातमधे मेघगर्जना आणि विजांचा कडकडाट, जोरदार वाऱ्यांसह पाऊस पडण्याची शक्यता असून वाऱ्याचा वेग ताशी ५० ते ६० किलोमीटरपर्यंत असण्याची शक्यता, हवामान विभागानं व्यक्त केली आहे.
May 6, 2025 1:34 PM
39
गुजरात, आंध्र प्रदेश, अरुणाचल प्रदेश, आसाम, मेघालय, सौराष्ट्र, कच्छ, तामिळनाडू, पुद्दुचेरी, उत्तराखंड आणि पश्चिम राजस्थानमध्ये आज मुसळधार पाऊस पडण्याची शक्यता हवामान खात्यानं वर्तवली आहे. पुढील २ ते ३ दिवसांत दिल्ली, महाराष्ट्र, ओडिशा, पंजाब, तामिळनाडू, पुद्दुचेरी, तेलंगणा, विदर्भ, पश्चिम बंगाल आणि सिक्कीममध्ये वादळी वारे वाहण्याची शक्यता आहे. तर पूर्व मध्य प्रदेश, मध्य महाराष्ट्र आणि उत्तराखंडमध्ये गारपीट होण्याची शक्यता आहे. येत्या २ दिवसांत राजस्थानमध्ये धुळीचं वादळ येण्याची शक्यता विभ...
May 4, 2025 8:04 PM
88
मुसळधार पावसानं आज आंध्रप्रदेशातल्या एन टी आर, कृष्णा, पूर्व गोदावरी, पश्चिम गोदावरी आणि कोणासीमा या तटवर्ती जिल्ह्यांना झोडपून का़ढलं आहे. विजयवाडा, एलूरू आणि राजामुंड्री या जिल्ह्यांत सकाळपासून जोरदार पाऊस सुरू आहे. या अवकाळी पावसाचा परिणाम पश्चिम गोदावरी आणि कृष्णा जिल्ह्यांतल्या आंबा पिकांवर झाला आहे. दरम्यान, एन टी आर आणि एलूरू जिल्ह्यातले जिल्हाधिकारी स्थितीवर लक्ष ठेवून असून उन्मळून पडलेले वृक्ष बाजूला करण्याबरोबरच पूर आलेल्या भागात मदत करत आहेत.
March 1, 2025 1:53 PM
64
उत्तराखंड मध्ये रुद्रप्रयाग, उत्तरकाशी, बागेश्वर आणि पिथौरागढ इथं आज मोठ्या प्रमाणावर हिमस्खलन होईल असा इशारा डेहराडून इथल्या हवामान विभागानं जारी केला आहे. याठिकाणी दोन दिवसांपासून सुरु असलेल्या संततधार पावसामुळे अनेक मार्ग वाहतुकीसाठी बंद करण्यात आले आहेत. चमोली जिल्ह्यात ४० हून अधिक गावांवर बर्फाची चादर पसरली असून बद्रीनाथ, हेमकुंड साहिब, जोशी मठसह इतर ठिकाणचं जनजीवन विस्कळीत झालं आहे. जम्मू काश्मीर मध्ये अनेक ठिकाणी झालेलं भूस्खलन आणि दरडी कोसळण्याच्या घटनांमुळे राष्ट्रीय महामार्गावरची व...
December 2, 2024 1:36 PM
38
फेंजल चक्रीवादळाची तीव्रता कमी झाली असून, ते आज वायव्येकडे सरकण्याची आणि हळूहळू कमकुवत होण्याची शक्यता आहे. मात्र, या चक्रीवादळामुळं केरळ, तामिळनाडू आणि दक्षिण कर्नाटकात आज मुसळधार पावसाचा अंदाज हवामान खात्यानं वर्तवला आहे. दरम्यान, फेंजल चक्रीवादळामुळं पुद्दुचेरी इथं गेल्या तीस वर्षांतला सर्वात जास्त पाऊस पडल्यानं जनजीवन विस्कळीत झालं आहे. ते पूर्वपदावर यायला काही दिवस लागण्याची शक्यता आहे. काल संध्याकाळी पाऊस थांबल्यानंतर बचाव आणि मदत कार्याला वेग आला आहे. भारतीय लष्कर, राष्ट्रीय आपत्ती प्रति...
गोपनीयता धोरण | कॉपीराइट © 2026 बातम्या ऑन एअर. सर्व हक्क राखीव
शेवटचे अद्यावत: 16th Aug 2026
