पाल अभयारण्यात पालकमंत्री गुलाबराव पाटील यांच्या हस्ते जंगल सफारीचं उद्घाटन

सातपुडा पर्वतरांगेच्या कुशीत वसलेल्या जळगाव जिल्ह्यातल्या पाल अभयारण्यात आज जळगावचे पालकमंत्री गुलाबराव पाटील यांच्या हस्ते जंगल सफारीचं उद्घाटन झालं.  सातपुडा जंगल सफारी हा ग्रामीण विकास आणि पर्यावरण संवर्धनाचा अभिनव संकल्प असून जैवविविधतेचं संवर्धन, स्थानिक रोजगार आणि पर्यावरण पर्यटनासाठी जंगल सफारी महत्त्वाचा टप्पा ठरेल असं,  गुलाबराव पाटील यावेळी म्हणाले.  जंगल सफारीचा पहिला टप्पा सुमारे  अडीच कोटी रुपये निधीतून पूर्ण करण्यात आला आहे.