भारतीय हवाई दल फ्रान्समध्ये होणाऱ्या आठव्या ‘गरुड-25’ या द्विपक्षीय हवाई सरावात सहभागी होणार

भारतीय हवाई दल उद्यापासून फ्रान्समध्ये होणाऱ्या आठव्या ‘गरुड-25’ या द्विपक्षीय हवाई सरावात सहभागी होणार आहे. भारतीय हवाई दल येत्या २७ नोव्हेंबर पर्यंत फ्रेंच हवाई आणि अंतराळ दलाबरोबर या सरावात सहभागी होत आहे. वास्तववादी वातावरणात युद्ध तंत्र आणि प्रक्रियेमध्ये सुधारणा करणं, हे या सरावाचं उद्दिष्ट असल्याचं संरक्षण मंत्रालयाच्या प्रसिद्धीपत्रकात म्हटलं आहे. या सरावांमुळे दोन्ही देशांच्या हवाई दलांना व्यावसायिक परस्पर संवाद, परिचालनाबाबतचं ज्ञान, आणि परस्परांच्या सर्वोत्तम पद्धतींची देवाण-घेवाण करण...