जागतिक नेमबाजी स्पर्धेत भारताच्या इशा सिंगची २५ मीटर एअर पिस्तुल प्रकारात कांस्यपदकाची कमाई

 कैरो इथं सुरू असलेल्या जागतिक नेमबाजी स्पर्धेत आज भारताच्या इशा सिंगनं महिलांच्या २५ मीटर एअर पिस्तुल प्रकारात ३० गुणांसह कांस्यपदकाची कमाई केली. कोरियाच्या यांग जिननं ४० गुणांसह सुवर्णपदकं पटकावलं. तर चीनच्या याओ क्विआनझुुननं ३८ गुणांसह रौप्य पदक मिळवलं. भारताला आत्तापर्यंत या स्पर्धेत तीन सुवर्ण, पाच रौप्य तर दोन कांस्य पदकं मिळाली असून तो तिसऱ्या स्थानावर आहे.