डाउनलोड करा
मोबाइल ॲप
प्ले ऑडिओ
February 1, 2025 8:31 PM
47
छत्तीसगडमधल्या बिजापूर जिल्ह्यात आज संरक्षण दलाशी झालेल्या चकमकीत आठ माओवादी ठार झाले. या माओवाद्यांकडून मोठ्या प्रमाणावर शस्त्रसाठाही जप्त करण्यात आला आहे. गंगलूर भागात माओवादी लपले असल्याची माहिती मिळताच जिल्हा राखीव दल, विशेष कृती दल, केंद्रीय राखीव पोलीस दल आणि कोब्रा बटालियनच्या संयुक्त दलानं ही माओवादीविरोधी मोहीम राबवली.
January 20, 2025 8:25 PM
37
छत्तिसगडमधल्या गरियाबंद जिल्ह्यात आज सुरक्षा दलांशी झालेल्या चकमकीत दोन माओवादी ठार झाले. घटनास्थळावर सापडलेली स्वयंचलित रायफल जप्त करण्यात आली आहे. या चकमकीत कोब्रा बटालियनचा एक जवान जखमी झाला आहे. त्याला रायपूरला हलवण्यात आलं आहे.
January 12, 2025 8:19 PM
35
छत्तीसगडमध्ये आज सकाळी सुरक्षा दलांशी झालेल्या चकमकीत पाच माओवादी ठार झाले असून यात दोन महिला बंडखोरांचा समावेश आहे. बिजापूर जिल्हयातल्या राष्ट्रीय उद्यानात माओवाद्यांनी आश्रय घेतल्याची माहिती गुप्तचर यंत्रणांकडून मिळाल्यावर सुरक्षा दलांच्या संयुक्त पथकांनं या भागात शोध मोहिम राबवली. या अभियानात मोठ्या प्रमाणावर शस्त्रसाठा आणि दारुगोळा हस्तगत करण्यात आला असून यात एक स्वयंचलित रायफल आणि बी जी एल लाँचरचा समावेश आहे. या विभागात शोध अभियान अजुनही सुरु आहे.
January 7, 2025 11:28 AM
32
छत्तीसगड मधल्या विजापूर जिल्ह्यात नक्षलवाद्यांनी केलेल्या भूसुरंगाच्या स्फोटात आठ सुरक्षा सैनिक आणि चालक ठार झाले. पंधरा जणांच्या जिल्हा राखीव रक्षक दलाची तुकडी, संयुक्त कारवाईनंतर काल दंतेवाडा इथून वाहनानं परतत असताना कुत्रु-बेद्रे रस्त्यावर नक्षलवाद्यांनी भूसुरुंगाचा स्फोट केला. स्फोटानंतर नक्षलवाद्यांनी सुरक्षा सैनिकांवर गोळीबार सुरू केला. या घटनेत पाच सैनिक जखमी झाले असून, त्यापैकी तिघांची प्रकृती चिंताजनक आहे.
गोपनीयता धोरण | कॉपीराइट © 2026 बातम्या ऑन एअर. सर्व हक्क राखीव
शेवटचे अद्यावत: 13th Jul 2026
