Chandrakant Patil | आकाशवाणी न्यूज

November 15, 2025 7:20 PM

नवे शैक्षणिक धोरण आधुनिक काळातल्या स्पर्धेत विद्यार्थ्यांना पुढे नेणारं आहे – मंत्री चंद्रकांत पाटील

नवे शैक्षणिक धोरण व्यावहारिक असून, यात संशोधनावरही भर देण्यात आला आहे आणि हे धोरण आधुनिक काळातल्या स्पर्धेत विद्यार्थ्यांना पुढे नेणारं आहे असं उच्च आणि तंत्र शिक्षण मंत्री चंद्रकांत पाटील यांनी आज सांगितलं. मुंबईत उर्मीज आर्ट फोरमतर्फे आयोजित 'नेक्स्ट इन डिझाईन फ्युचर' प्रदर्शनाचं उदघाटन त्यांच्या हस्ते झालं. त्यावेळी ते बोलत होते. मुलांच्या शिक्षणात आणि विकासात कला आणि सर्जनशील विषयांची भूमिका महत्त्वाची असते, असं ते म्हणाले.

June 7, 2025 3:27 PM

विद्यार्थ्याला केवळ पुस्तकी ज्ञान न देता प्रात्यक्षिकावर आधारित ज्ञान देणं गरजेचं

देशात प्रत्येक विद्यार्थ्याला केवळ पुस्तकी ज्ञान न देता प्रात्यक्षिकावर आधारित ज्ञान देणं गरजेचं आहे. ज्या देशात प्रात्यक्षिक ज्ञान घेऊन संशोधन होते, त्या ठिकाणी प्रगती आणि समृद्धी दिसून येते, असं मत राज्याचे उच्च तंत्र शिक्षण मंत्री चंद्रकांत पाटील यांनी व्यक्त केलं. मुंबई विद्यापीठात काल झालेल्या ‘विकास २०२५’ परिषदेत ते बोलत होते. या परिषदेत, शिक्षण आणि उद्योगाला एकत्र आणून एका मजबूत प्रणालीची निर्मिती करणं, तसंच विद्यार्थ्यांना उद्योगासाठी अधिक सक्षम बनवून देशाच्या विकासात सक्रिय योगद...

२०२२-२३ वर्षांसाठी ज्ञानज्योती सावित्रीबाई फुले पुरस्कार जाहीर

March 7, 2025 7:39 PM

106

२०२२-२३ वर्षांसाठी ज्ञानज्योती सावित्रीबाई फुले पुरस्कार जाहीर

महिला-बालकल्याण क्षेत्रात उल्लेखनीय कार्य करणाऱ्या महिलांसाठी राज्य सरकारनं ज्ञानज्योती सावित्रीबाई फुले पुरस्कार जाहीर केले. २०२२-२३ या वर्षांसाठी कोकण विभागातून नवी मुंबईच्या फुलन शिंदे, पुणे विभागातून जनाबाई उगले, नाशिकमधून अहिल्या नगरच्या डॉक्टर प्राजक्ता कुलकर्णी, छत्रपती संभाजीनगरच्या मिनाक्षी बिराजदार, अमरावतीच्या वनिता अंभोरे आणि नागपूरच्या शालिनी सक्सेना यांना जाहीर झाले आहेत.

October 1, 2024 3:12 PM

मराठा समाजातल्या नागरिकांना कुणबी प्रमाणपत्र मिळवण्यासाठी ४२ पुरावे देता येणार

मराठा समाजातल्या नागरिकांना कुणबी प्रमाणपत्र मिळवण्यासाठी आता ४२ पुरावे देता येणार आहे. मराठा समाजातील नागरिकांना यापैकी कुठल्याही एका पुराव्यांच्या आधारे मराठा कुणबी नोंदींची पडताळणी करणं शक्य असल्याचं मंत्री चंद्रकांत पाटील यांनी सांगितलं आहे. मराठा आरक्षणविषयक मंत्रिमंडळ उपसमितीच्या बैठकीनंतर काल ते बोलत होते. SEBC अर्थात सामाजिक आणि आर्थिक मागास प्रवर्गाऐवजी EWS अर्थात आर्थिक दृष्टया मागास प्रवर्गातल्या आरक्षणाची मागणी मराठा समाजाच्या विविध संघटनांनी केली आहे. पण आता तो पर्याय उपलब्ध...

August 30, 2024 6:45 PM

गावांमध्ये नवीन ग्रंथालय मान्यतेचा फेर प्रस्ताव शासनाकडे तातडीनं सादर करावा – मंत्री चंद्रकांत पाटील

दहा हजार पेक्षा अधिक लोकसंख्या असलेल्या गावांच्या नवीन ग्रंथालय मान्यतेचा फेर प्रस्ताव शासनाकडे तातडीनं सादर करावा, अशा सूचना उच्च आणि तंत्रशिक्षण मंत्री चंद्रकांत पाटील यांनी दिल्या आहेत. जिल्हा ग्रंथालय आणि अन्य ग्रंथालयांच्या विविध मागण्यांसंदर्भात पाटील यांच्या अध्यक्षतेखाली आज मंत्रालयात बैठक झाली. महाराष्ट्र सार्वजनिक ग्रंथालय अधिनियम सुधारणेसंदर्भातला प्रस्ताव मंत्रिमंडळासमोर सादर करावा, तसंच ग्रंथालय अ. ब. क. ड वर्गाचे निकष पूर्ण करणाऱ्या ग्रंथालयांना ऑनलाइन वर्ग बदल करण्याच्या अनुषंगाने...

August 9, 2024 7:26 PM

यवतमाळमध्ये वस्त्रोद्योग मंत्री चंद्रकांत पाटील यांनी प्रियदर्शिनी सहकारी सूत गिरणीचं लोकार्पण

यवतमाळमध्ये वस्त्रोद्योग मंत्री चंद्रकांत पाटील यांनी आज प्रियदर्शिनी सहकारी सूत गिरणीचं लोकार्पण केलं. डबघाईला आलेल्या सूतगिरण्या खाजगी कंपनीला चालवायला देण्याचा निर्णय नवीन वस्त्रोद्योग धोरणात आहे असं त्यांनी सांगितलं. वस्त्रोद्योग मंत्रालयाने राज्यात घोषित केलेले वस्त्रोद्योग प्रकल्प यवतमाळ जिल्ह्यात आणण्याबाबत आपण स्थानिक आमदारांशी चर्चा करत आहोत, असंही त्यांनी सांगितलं.

August 6, 2024 6:09 PM

मराठा आरक्षणाबाबत उद्धव ठाकरे आणि शरद पवार यांनी त्यांची भूमिका स्पष्ट करावी – मंत्री चंद्रकांत पाटील

मराठा आरक्षणाबाबत माजी मुख्यमंत्री उद्धव ठाकरे आणि शरद पवार यांनी त्यांची भूमिका स्पष्ट करावी, असं उच्च आणि तंत्रशिक्षण मंत्री चंद्रकांत पाटील यांनी म्हटलं आहे. ते आज नाशिक इथं बातमीदारांशी बोलत होते. यासंदर्भात बोलावलेल्या सर्वपक्षीय बैठकीत प्रकाश आंबेडकरांनी घेतलेल्या भूमिकेचं त्यांनी कौतुक केलं. न्यायालयाच्या निर्णयानुसार ओबीसी आरक्षणात वर्गवारी करण्याची सूचना दिली असल्याचं त्यांनी सांगितलं. घटनाबाह्य स्वरूपाचं सरसकट आरक्षण देणं अयोग्य आहे, शाहू महाराजांच्या काळात सुरू झालेल्या आरक्षण प्रणाल...

August 5, 2024 7:16 PM

देशाला आणि जगाला कौशल्यपूर्ण मनुष्यबळ आपला महाराष्ट्र देणार – मंत्री चंद्रकांत पाटील

येणाऱ्या काळात देशाला आणि जगाला कौशल्यपूर्ण मनुष्यबळ आपला महाराष्ट्र देणार आहे. त्यामुळे उत्तमोत्तम कौशल्य असलेली पिढी घडविण्यासाठी शिक्षणावर जास्त खर्च करायचा आहे, असं प्रतिपादन उच्च आणि तंत्रशिक्षण मंत्री चंद्रकांत पाटील यांनी जळगावमधल्या अंमळनेर इथं केलं. यशवंतराव चव्हाण मुक्त विद्यापीठाच्या उपकेंद्राचे भूमिपूजन पाटील यांच्या हस्ते झाले. त्यावेळी ते बोलत होते.

July 7, 2024 2:59 PM

सोलापूरच्या वस्त्रोद्योगाला पुन्हा उभारी मिळणार – उद्योगमंत्री चंद्रकांत पाटील

ऐतिहासिक वारसा असलेल्या सोलापूरच्या वस्त्रोद्योगाला पुन्हा उभारी देण्यासाठी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याशी चर्चा करून उपाययोजना आखण्याचं, आश्वासन वस्त्रोद्योग मंत्री चंद्रकांत पाटील यांनी दिलं आहे. पाटील यांनी काल सोलापूरच्या जिल्हा नियोजन मंडळासोबत बैठक घेतली, त्यानंतर ते बातमीदारांशी बोलत होते.

June 19, 2024 7:52 PM

पालखीमार्गावरची कामं वेळेत पूर्ण करण्याच्या पालकमंत्री चंद्रकांत पाटील यांच्या सूचना

पायी पालखी सोहळ्याबरोबर येणाऱ्या वारकऱ्यांना कोणताही त्रास होऊ नये, यासाठी पालखीमार्गावरची सगळी कामं वेळेत पूर्ण करण्यासाठी जास्तीचे कामगार लावावेत, अशा सूचना सोलापूरचे पालकमंत्री चंद्रकांत पाटील यांनी दिल्या. आषाढी वारी पूर्व नियोजनाबाबत सोलापुरातल्या नियोजन भवन इथल्या बैठकीत ते बोलत होते. आषाढी वारी पालखी सोहळ्यात पालखी मार्ग, पालखी तळ, विसावा, रिंगण सोहळा या ठिकाणी पाणी, आरोग्य, स्वच्छतेच्या सर्व सुविधा उपलब्ध करून देण्यात याव्यात, यासाठी योग्य दक्षता घेऊन प्रत्येक विभागांनं नियोजन करा...

Social Media Links