अमेरिकेत प्रथमच वैशाखीचा सण साजरा

अमेरिकेत ऑलिंपिया इथल्या स्टेट कॅपिटलमध्ये प्रथमच वैशाखीचा सण साजरा करण्यात आला. सिएटलमधल्या भारतीय वाणिज्य दूतावासाने हा कार्यक्रम आयोजित केला होता. या कार्यक्रमात वॉशिंग्टन राज्याचे गव्हर्नर, मंत्री तसंच वॉशिंग्टनमध्ये राहणाऱ्या शीख समुदायाचे प्रमुख सदस्य उपस्थित होते. वॉशिंग्टन राज्याचे गव्हर्नर बॉब फर्ग्युसन यांनी शीख समुदायाने अमेरिकेत दिलेल्या योगदानाचं आणि वैशाखी सणाच्या आयोजनाचं कौतुक केलं. तसंच, ग्रेटर सिएटल क्षेत्रात १४ एप्रिल हा दिवस वैशाखी दिन म्हणून साजरा करणार असल्याची घोषणा केली.