November 11, 2024 11:27 AM

views 49

महाराष्ट्र राज्य परीक्षा परिषदेची शिक्षक पात्रता परीक्षा राज्यात सर्वत्र सुरळीतपणे पडली पार

महाराष्ट्र राज्य परीक्षा परिषदेमार्फत आयोजित शिक्षक पात्रता परीक्षा अर्थात टीईटी काल राज्यात सर्वत्र सुरळीतपणे पार पडली. राज्यातल्या 37 जिल्ह्यांमधील एक हजार तेवीस परीक्षा केंद्रांवर नियोजित वेळेत ही परीक्षा झाली. एकंदर 3 लाख 29 हजार 346 परिक्षार्थी उपस्थित होते असं महाराष्ट्र राज्य परीक्षा परिषदेनं पत्रकाद्वारे कळवलं आहे.  

November 6, 2024 9:33 AM

views 59

निवडणूकीच्या पार्श्वभूमीवर प्रधानमंत्री नरेंद्र मोदी राज्यात येत्या ८ ते १४ नोव्हेंबर दरम्यान ११ सभा घेणार

निवडणूकीच्या पार्श्वभूमीवर प्रधानमंत्री नरेंद्र मोदी राज्यात येत्या आठ ते १४ नोव्हेंबर दरम्यान ११ सभा घेणार आहेत. आठ नोव्हेंबरला धुळे आणि नाशिक, नऊ तारखेला अकोला आणि नांदेड, १२ तारखेला चंद्रपूर, चिमूर, सोलापूर आणि पुणे आणि १४ नोव्हेंबरला छत्रपती संभाजीनगर, नवी मुंबई आणि मुंबईत पंतप्रधानांच्या सभा होणार आहेत.

October 9, 2024 11:14 AM

views 67

यंदाचा महाराष्ट्र राज्य उत्कृष्ट सार्वजनिक गणेशोत्सव मंडळ स्पर्धेचा निकाल जाहीर

शासनाच्या सांस्कृतिक कार्य विभाग आणि पु ल देशपांडे कला अकादमीच्या वतीने घेण्यात आलेल्या, यंदाच्या उत्कृष्ट सार्वजनिक गणेशोत्सव मंडळ स्पर्धेत, परभणी इथल्या भारत माता गणेश मंडळाला प्रथम पुरस्कार जाहीर झाला आहे. द्वितीय पुरस्कार ठाणे इथल्या जय भवानी मित्र मंडळ आणि तृतीय पुरस्कार लातुरच्या वसुंधरा वृक्षरुपी गणेशोत्सव यांना जाहीर झाला आहे. याशिवाय ३३ जिल्हास्तरीय पारितोषिक विजेत्यांमध्ये छत्रपती संभाजीनगर जिल्ह्यातल्या कुलस्वामिनी प्रतिष्ठान गणेश मंडळाला जिल्हास्तरीय पारितोषिक जाहीर झालं आहे.