August 27, 2024 8:32 PM

views 62

टेनिस स्पर्धेत पोलंडची इगा श्वियांतेक, स्पेनचा कार्लोस अल्काराज आणि इटलीचा यानिक सिनर मैदानात

यूएस खुल्या टेनिस स्पर्धेत आज पोलंडची इगा श्वियांतेक, स्पेनचा कार्लोस अल्काराज आणि इटलीचा यानिक सिनर मैदानात उतरतील. अग्रमानांकित यानिक सिनर कथित अंमली पदार्थ सेवन प्रकरणानंतर पहिल्यांदाच खेळणार आहे. या वर्षीच्या तीनपैकी दोन ग्रँडस्लॅम स्पर्धा जिंकलेल्या कार्लोस अल्काराजकडेही टेनिसप्रेमींचं लक्ष असणार आहे. इगा श्वियांतेक आणि कार्लोस अल्काराज या दोघांनीही २०२२मध्ये या स्पर्धेचं जेतेपद पटकावलं होतं आणि आता या वर्षीच्या शेवटच्या ग्रँडस्लॅममध्ये ते जेतेपदाचे प्रबळ दावेदार मानले जात आहेत.

July 9, 2024 10:56 AM

views 87

युक्रेन आणि पोलंड यांच्यात द्विपक्षीय सुरक्षा करार

युक्रेन आणि पोलंड यांच्यात द्विपक्षीय सुरक्षा करार झाला आहे. युक्रेनचे अध्यक्ष वोलोदिमिर झेलेन्स्की आणि पोलंडचे पंतप्रधान डोनाल्ड टस्क यांनी वॉर्सामध्ये काल करारावर सह्या केल्या.   वॉशिंग्टनमध्ये आजपासून सुरू होणाऱ्या उत्तर अटलांटिक करार संघटना म्हणजे नाटोच्या शिखर परिषदेच्या पार्श्वभूमीवर हा करार महत्त्वाचा मानला जात आहे. या कराराअंतर्गत पोलंड हवाई संरक्षण क्षेत्रात युक्रेनला सहकार्य करणार आहे. ऊर्जा सुरक्षा आणि पुनर्बांधणीमध्येही पोलंड मदत करणार आहे.