June 18, 2024 2:47 PM
65
सिक्कीम मध्ये पूर स्थितीमुळं अडकलेल्या ५०० पर्यटकांची सुखरूप सुटका
सिक्कीम मधल्या चुंगथांग भागांत पूर स्थितीमुळं अडकलेल्या ५०० पर्यटकांची सुखरूप सुटका करण्यात सीमा रस्ते संघटन आणि मंगन जिल्हा प्रशासनाला आज यश आलं.अतिवृष्टी, खराब हवामान आणि भूस्खलनामुळं अत्यंत आव्हानात्मक बनलेल्या परिस्थितीत सुद्धा सीमा रस्ते संघटनेच्या कर्मचाऱ्यांनी बचाव कार्य सुरूच ठेवलं. इतर अडकलेल्या पर्यटकांची लवकरच हवाई मार्गानं सुटका करण्यात येईल,त्यासाठी सहा हेलिकॉप्टर्स बागडोगरा इथं तयार ठेवण्यात आली आहेत अशी माहिती, मंगन जिल्हा प्रशासनानं दिली आहे.
