दिव्यांग तिरंदाजी आशिया चषक स्पर्धेत भारताच्या सरिताला सुवर्णपदक

बँकॉक इथं सुरू असलेल्या दिव्यांग तिरंदाजी आशिया चषक स्पर्धेत भारताच्या सरिता हिने महिलांच्या संयुक्त खुल्या प्रकारात सुवर्णपदकाला गवसणी घातली. काल दुपारी झालेल्या सामन्यात तिने सिंगापूरच्या खेळाडूवर 143-142 असा विजय मिळवला. तर पुरूषांच्या डब्यू1 प्रकारात भारताच्या आदिल मोहम्मग नाझीरने हाँगकॉगच्या खेळाडूचा पराभव केला.