पशुपालन मंत्री जोराराम कुमावत जैसलमेर ज़िला मांय कर्रा रोग रा पसारा ने देखता अहलकारां री मीटिंग ली। लारला दिनां ई रोग ऊं ज़िला मांय 36 अर फलौदी हलका मांय 2 जिनावरां री मौत ने चिन्ता रे साथै लेवता पशुपालन मंत्री आ बैठक करी। वणा रोग रा फैलाव ने रोकण सारू वाजिब इन्तजाम करण रा निर्देश दिया। श्री कुमावत जैसलमेर, बाडमेर, बालोतरा अर फलौदी ज़िला रा कलेक्टरां रे साथे बतळ कर ने दवाइयां अर दूजा इन्तजाम करण माथे जोर दिया।