وزارت خارجہ نے آج روس اور یوکرین کے سفیروں کو الگ الگ طلب کرکے یوکرین میں بھارتی شہریوں بالخصوص طلبا کی حفاظت اور سیکورٹی کے بارے میں گہری تشویش کا اظہار کیا۔ نئی دلّی میں میڈیا کے افراد سے بات کرتے ہوئے خارجہ سکریٹری ہرش وردھن شرنگلانے کہا کہ انھوں نے دونوں ممالک کے سفیروں کو ان مقامات کے بارے میں بتایا ہے جہاں بھارتی شہری مقیم ہیں تاکہ اُن کے تحفظ کو یقینی بنایا جاسکے۔ جناب شرنگلا نے کہا کہ آپریشن گنگا کے تحت اب تک ہزاروں بھارتی طلباءکو رومانیہ اور ہنگری سے پروازوں کے ذریعے لایا جاچکا ہے۔ اسی طرح ہزاروں طلباءکو زمینی راستوں کے ذریعہ یوکرین سے نکالا گیا ہے اور اُن کےلئے پروازوں کا خصوصی انتظام کیا گیا ہے۔ انھوں نے مطلع کیا کہ ہنگری اور رومانیہ کے سرحدی راستے کام کر رہے ہیں۔ 

تاہم پولینڈ کی طرف باہر نکلنے کا راستہ لاکھوں غیر ملکی شہریوں کے وہاں سے نکلنے کی کوششوں کے سبب جام ہے۔ جناب شرنگلا نے مزید کہا کہ یوکرین کی راجدھانی Kyiv میں واقع بھارتی سفارتخانے اور نئی دلّی میں وزارت خارجہ نے یوکرین کے حالیہ واقعات کے رونما ہونے سے پہلے ہی متعدد ایڈوائزری جاری کی تھی۔ x