کل نئی دلّی میں، عالمی گراں پری ایتھلیٹکس کے پہلے دن، مردوں کے Discus Throw – F11 مقابلے میں بھارت نے، زبردست کامیابی حاصل کی۔ ایتھلیٹ ساگر نے 34 اعشاریہ آٹھ-چار میٹر کی دوری پر Discus پہنچا کر سونے کا تمغہ جیتا۔ بالاجی راجیندرن نے چاندی کا تمغہ حاصل کیا، جبکہ جَنک سنگھ ہرسانا نے کانسے کا تمغہ جیتا۔

بھارت کا دبدبہ، مردوں کے ہائی جَمپ ٹی-سینتالیس مقابلے میں بھی برقرار رہا۔ اُس نے سبھی تینوں تمغے    حاصل کیے۔

رامپال نے ایک اعشاریہ آٹھ-تین میٹر کی ہائی جَمپ میں سونے کا تمغہ، چندریش مُلجی بھائی نے چاندی اور بنٹی نے کانسے کا تمغہ حاصل کیا۔

مردوں کے 100 میٹر دوڑ کے ٹی-چوالیس زمرے میں بھی بھارت نے عمدہ کارکردگی کا مظاہرہ کیا۔ مِت بھارتبھا پٹیل نے 12 اعشاریہ چھ-سات سیکنڈس میں دوڑ پوری کر کے سونے کا تمغہ حاصل کیا۔ بھارت کی، کِرن شری رام میتکر نے خواتین کے 100 میٹر دوڑ کے ٹی-چوّن زمرے میں سونے کا تمغہ جیتا۔×