ملک، اپنے خلائی سفر میں ایک تاریخ رقم کرنے والا ہے۔ ایک بین الاقوامی خلائی مشن، ایک بھارتی خلا نورد کو اگلے مہینے خلا میں لے کر جائے گا۔ خلا اور ایٹمی توانائی کے وزیر مملکت ڈاکٹر جتیندر سنگھ نے اس کا اعلان ایک اعلیٰ سطح کی میٹنگ کے بعد کیا۔ یہ میٹنگ آئندہ مہینوں میں، بھارت کی خلائی تحقیق کی تنظیم اسرو کے مستقبل کے بڑے منصوبوں کا جائزہ لینے کے لیے منعقد کی گئی تھی۔

فضائیہ کے گروپ کیپٹن شُبھانشو شُکلا آئندہ Axiom خلائی مشن Ax-4 کے حصے کے طور پر خلا میں جائیں گے۔ ڈاکٹر سنگھ نے بتایا کہ یہ پہلا مشن ہے، جو کسی بھارتی شخص کو بین الاقوامی خلائی اسٹیشن لے کر جائے گا اور شُبھانشو شُکلا وہ پہلے بھارتی خلا نورد ہوں گے، جو 1984 کے بعد سے اب تک 4 دہائیوں سے بھی زیادہ عرصے کے بعد خلائی سفر کریں گے۔

1984 میں راکیش شرما Soviet Soyuz سیارچے کے ذریعے خلا میں گئے تھے۔ ×