امریکہ نے کہا ہے کہ روس اور یوکرین نے سعودی عرب میں تین روزہ بات چیت کے بعد بحر اسود میں بحری جنگ بندی سے اتفاق کیا ہے۔ وہائٹ ہاؤس نے بتایا ہے کہ دونوں ملکوں نے بحرِ اسود میں محفوظ جہاز رانی کو یقینی بنانے، طاقت کے استعمال کی روک تھام اور تجارتی جہازوں کو فوجی مقاصد کیلئے استعمال نہ کرنے سے اتفاق کیا ہے۔ نئے سمجھوتے کے مطابق روس کی زرعی پیداوار اور کیمیاوی کھاد کی برآمد پھر سے عالمی بازار تک پہنچ سکے گی۔ یوکرین کے صدر ولادیمیر زیلنسکی نے ایک بیان میں کہا ہے کہ انہوں نے پہلے اِس بات سے اتفاق کیا کہ سمندر میں خون خرابہ بند ہو اور آزادانہ جہاز رانی کو یقینی بنایا جائے اور دوسری بات یہ ہے کہ توانائی کے نظام پر حملوں کی روک تھام کی جائے۔x