70 رکنی دلی اسمبلی کے انتخابات آئندہ ماہ کی پانچ تاریخ کو ہوں گے۔ آکاشوانی کا خبروں کا شعبہ دلی اسمبلی انتخابات کے پیش نظر ایک خصوصی سیریز پیش کررہا ہے۔ آج ہم آپ کو  بلی ماران حلقے کے بارے میں معلومات فراہم کریں گے۔

V/C Saklen

بلی ماران اسمبلی حلقہ مشہور شاعر مرزا غالب کی حویلی کے لیے مقبول ہے اور یہ پرانی دلی کا ایک اہم علاقہ ہے۔ اِس اسمبلی حلقے میں BJP، کانگریس اور عام آدمی پارٹی کے درمیان سہ رخی مقابلہ ہے۔ عام آدمی پارٹی نے ایک مرتبہ پھر موجودہ MLA اور دلی سرکار میں وزیر عمران حسین کو انتخابی میدان میں اتارا ہے، جبکہ کانگریس کے سینئر لیڈر اور پانچ مرتبہ MLA  رہ چکے ہارون یوسف اِس حلقے سے چناؤ لڑ رہے ہیں۔ BJP نے اپنے سابق کاؤنسلر کمل باگڑی کو اپنا امیدوار بنایا ہے۔  تنگ سڑکیں، Encroachment، پینے کے صاف پانی کی دستیابی، ٹریفک جام اور پارکنگ کی جگہ کی کمی اِس حلقے کے اہم مسائل ہیں۔ اِس اسمبلی حلقے میں ڈیڑھ لاکھ سے زیادہ ووٹر ہیں جو پانچ فروری کو کس امیدوار کے حق میں فیصلہ کریں گے، یہ نتائج آنے کے بعد ہی پتہ چلے گا۔