55 واں بھارت بین الاقوامی فلم فیسٹیول کل سے گوا میں شروع ہو رہا ہے، جو اس ماہ کی 28 تاریخ تک جاری رہے گا۔ گوا کے وزیر اعلیٰ ڈاکٹر پرمود ساونت آج تیاریوں کا جائزہ لینے کے لیے ڈاکٹر شیاما پرساد مکھرجی اسٹیڈیم گئے۔ آکاشوانی خبروں کے شعبے سے ایک بات چیت میں جناب ساونت نے کہا کہ تمام تیاریاں مکمل ہو چکی ہیں اور افتتاحی تقریب کل  سہ پہر 4 بجے منعقد ہوگی۔

آکاشوانی نیوز سے بات کرتے ہوئے اطلاعات و نشریات محکمے کے سیکریٹری Sanjay Jaju نے کہا کہ اس سال فیسٹیول میں کئی نئی چیزوں کا اضافہ کیا گیا ہے اور یہ فیسٹیول نوجوان فلم سازوں کو وقف کیا گیا ہے۔

انہوں نے بتایا کہ 100 باصلاحیت نوجوان ”کل کے تخلیقی ذہن“ پلیٹ فارم پر اپنی تخلیقات پیش کریں گے۔  جناب Jaju نے کہا کہ اس سال فیسٹیول میں 100 ممالک سے 400 سے زیادہ فلموں کی نمائش کی جائے گی۔