آیوش کی وزارت نے یوگا کے مرارجی دیسائی قومی انسٹی ٹیوٹ کے ساتھ اشتراک میں یوگا کے بین الاقوامی دن 2025 کیلئے 75 روزہ اُلٹی گنتی کے موقع پر آج صبح کلنگا اسٹیڈیم میں یوگا مہوتسو کا انعقاد کیا۔ آیوش اور صحت اور خاندانی بہبود کے مرکزی وزیر مملکت پرتاپ راؤ گنپت راؤ جادھو نے حکومت کے چار بڑے یوگا پروگراموں کی میزبانی کے اقدام کو اجاگر کرتے ہوئے اس تقریب کا افتتاح کیا۔

یوگا کا بین الاقوامی دن عالمی سطح پر 21 جون کو منایا جاتا ہے۔ 2014 میں اقوام متحدہ کی جانب سے جسمانی اور ذہنی تندرستی کی خاطر اہمیت کے سلسلے میں بیداری میں اضافے کیلئے یوگا کا عالمی دن منانے کا فیصلہ کیا گیا ہے۔×