ہریانہ میں کَل واحد مرحلے کے اسمبلی انتخابات کیلئے سبھی تیاریاں مکمل کرلی گئی ہیں۔ کَل 90 رکنی اسمبلی کیلئے ووٹ ڈالے جائیں گے۔ پولنگ صبح سات بجے شروع ہوگی اور شام چھ بجے ختم ہوگی۔ریاست میں ایک ہزار 31 امیدار انتخابی میدان میں ہیں۔ ریاست میں دو کروڑ 3 لاکھ 54 ہزار سے زیادہ مجاز ووٹرس ہیں۔ انتخابات کو خوش اسلوبی سے کرانے کے لیے کُل 20 ہزار 632 پولنگ بوتھ قائم کیے گئے ہیں۔ جموں وکشمیر میں تین مرحلوں میں ہوئے اسمبلی انتخابات کے ووٹوں کی گنتی اور ہریانہ میں واحد مرحلے میں ہونے والے اسمبلی انتخابات کے ووٹوں کی گنتی اِس مہینے کی  8 تاریخ کو کی جائے گی۔