ہریانہ اسمبلی انتخابات سے پہلے کانگریس کے صدر ملکارجن کھڑگے نے آج اپنی پارٹی کا منشور جاری کیا ہے۔  نئی دلّی میں پارٹی کے ہیڈکوارٹرز میں گارنٹیوں کا اعلان کرتے ہوئے جناب کھڑگے نے کہا کہ اگر ریاست میں اُن کی حکومت بنی تو 7 وعدے پورے کیے جائیں گے۔ انھوں نے کسانوں کو   کم از کم امدادی قیمت کی قانونی ضمانت اور ہر کنبے کو 300 یونٹ بجلی فراہم کرنے کا اعلان کیا۔ انھوں نے یہ بھی کہا کہ دو لاکھ لوگوں کو ملازمتیں دی جائیں گی اور پچھلی پنشن اسکیم کو بحال کیا جائے گا۔ کانگریس کے صدر نے کہا کہ خواتین کو ہر ماہ دو ہزار روپے دیئے جائیں گے۔ x