کے پی شرما اولی کو آج نیپال کے وزیراعظم کی حیثیت سے حلف دلایا جائے گا۔ حلف برداری کی یہ تقریب بھارتی وقت کے مطابق آج صبح دس بجکر 45 منٹ پر کاٹھمنڈو میں راشٹرپتی بھون کی اہم عمارت شیتل نواس میں منعقد ہوگی۔ جناب اولی کے ساتھ ساتھ وزراء کے ایک گروپ کو بھی کابینہ میں شامل کیا جائے گا۔

            جناب اولی کو نئی حکومت کی قیادت کرنے کے لیے  کَل تیسری مرتبہ وزیراعظم مقرر کیا گیا ہے۔ 72 سالہ اولی پُشپ کمل دہل پرچنڈ کی جگہ لیں گے، جو جمعہ کے دن ایوانِ نمائندگان میں اعتماد کا ووٹ حاصل کرنے میں ناکام ہو گئے تھے۔ نیپال کے صدر رام چندر Paudel نے جناب اولی کو Nepal-Unified Marxist Leninist (CPN-UML) نیپالی کانگریس (NC) اتحاد کی کمیونسٹ پارٹی کے نئے وزیراعظم کی حیثیت سے مقرر کیا ہے۔

            جمعے کو دیر رات جناب اولی نے نیپالی کانگریس صدر شیر بہادر Deubaکی حمایت کے ساتھ ایک نئی حکومت تشکیل دینے کا اپنا دعویٰ پیش کیا تھا اور 165  ایوانِ نمائندگان کے دستخط پیش کیے جس میں ان کی پارٹی کے 77 اور نیپالی کانگریس کے 88 ممبران شامل ہیں۔