کوئلہ اور کانوں کے مرکزی وزیر جی کشن ریڈی نے نوجوانوں اور طلباء سے اپیل کی ہے کہ وہ 2047 تک بھارت کو ایک ترقی یافتہ ملک بنانے میں تعاون کریں۔ انہوں نے آج صبح سکندر آباد میں کیندریہ ودیالیہ سنگٹھن کے ذریعہ منعقد کردہ تین روزہ قومی راشٹریہ ایکتا پرب کا افتتاح کیا۔ تقریب سے خطاب کرتے ہوئے، وزیر موصوف نے Mini Indias کہتے ہوئے، کیندریہ ودیالیہ کی ستائش کی اور کہا کہ یہاں کی تعلیم و تربیت قومی یکجہتی اور صلاحیت کے گہرے احساس کو فروغ دیتی ہے۔ انہوں نے کہا کہ راشٹریہ ایکتا پرب کا مقصد قومی اتحاد اور بھارتی ادب اور ثقافت کے جذبے کو فروغ دینا ہے۔