روہت شرما کی قیادت والی بھارتی کرکٹ ٹیم، نیوزی لینڈ کے خلاف کل سے ممبئی کے وانکھیڑے اسٹیڈیم میں شروع ہو رہے تیسرے اور آخری ٹیسٹ میچ میں اپنے اعزاز کے دفاع کیلئے تیار ہے۔ یہ میچ صبح ساڑھے 9 بجے شروع ہوگا۔ اپنی لگاتار 18 سیریز کی جیت کے سلسلے میں رخنہ پڑنے اور سیریز کو دو-صفر سے ہارنے کے بعد بھارت گھریلو ٹیسٹ سیریز میں اپنی پہلی مکمل ہار سے بچنے کیلئے جد و جہد کر رہا ہے۔ ایک دہائی میں اپنی پہلی گھریلو سیریز میں شکست کے بعد بھارت کو اگلے سال جون میں لارڈس کی عالمی ٹیسٹ چمپئن شپ میں پہنچنے کیلئے اِس جیت کی ضرورت ہے۔ نیوزی لینڈ نے بینگلورو میں ہوا پہلا ٹیسٹ 8 وکٹ سے جیت لیا تھا اور اُس نے پُنے میں ہوئے دوسرے ٹیسٹ میچ میں بھارت کو 113 رن سے شکست دی تھی۔