کامرس اور صنعت کے مرکزی وزیر پیوش گوئل نے کہا ہے کہ بہتر آمدنی اور روزگار پیدا کرنے کیلئے نامیاتی زراعت ایک طاقتور ذریعہ ہے۔ آج نئی دلّی میں نامیاتی مصنوعات کے قومی پروگرام کے آٹھویں ایڈیشن کا افتتاح کرتے ہوئے، جناب گوئل نے کہا کہ کسانوں کی آمدنی میں نامیاتی زراعت سے اضافہ ہوا ہے۔ وزیر موصوف نے مزید کہا کہ اِس وقت نامیاتی مصنوعات کی برآمدات چھ ہزار کروڑ روپئے مالیت پر مشتمل ہے جس کے بارے میں توقع ہے کہ اگلے تین سال میں بڑھ کر 20 ہزار کروڑ روپئے ہوجائے گی۔