کامرس اور صنعتوں کے محکمے کے وزیر پیوش گوئل نے ساڑھے چار کھرب ڈالر کی خدمات کی برآمد کے نشانے کو حاصل کرنے کی خاطر سرکار اور IT شعبے کے اجتماعی عزم کی ضرورت پر زور دیا ہے۔ نئی دلّی میں NASSCOM کی عالمی کانفرنس کے افتتاحی اجلاس سے خطاب کرتے ہوئے  وزیر موصوف نے یہ اعتماد ظاہر کیا کہ سال 2025-26 میں بھارت کی خدمات شعبے کی برآمدات سامان اور اشیاء کی برآمدات سے تجاوز کر سکتی ہیں اور اس میں IT شعبے کا اہم رول رہے گا۔

جناب گوئل نے مزید کہا کہ اس سال خدمات شعبے کی برآمدات 3کھرب 80 ارب ڈالر سے لے کر 3 کھرب 85 ارب ڈالر کے درمیان رہنے کی امید ہے اور اس طرح عالمی سطح پر بھارت کی موجودگی کو مزید تقویت ملے گی۔ انہوں نے IT، سیاحت، Business Accounting اور مالی خدمات کے شعبوں میں MSME اداروں کے بڑھتے ہوئے رول کو تسلیم کیا اور مذکورہ شعبے میں روزگار کے بہت زیادہ مواقع پیدا ہونے کے امکان کو اُجاگر کیا۔