کامرس اور صنعتوں کے محکمے کے مرکزی وزیر پیوش گوئل نے نوجوانوں کو تعلیم اور ہنرمندی کے ساتھ بااختیار بنائے جانے کی ضرورت پر زور دیا ہے، تاکہ وہ مستقبل کے چیلنجوں کا سامنا کرسکیں۔ وہ آج نئی دِلی میں بھارتی صنعتوں کی کنفیڈریشن CII کی 29ویں ساجھیداری سربراہ کانفرنس سے خطاب کررہے تھے۔ جناب پیوش گوئل نے زور دے کر کہا کہ بھارت کو ایک ایسا ملک ہونے پر فخر ہے، جہاں اپنی ثقافت اور روایات کو برقرار رکھتے ہوئے رفتار، بڑے پیمانے، مضبوطی اور پختہ عزم کے ساتھ کام انجام دیئے جاتے ہیں۔