چھتیس گڑھ کے بیجاپور ضلع میں 13 ماؤنوازوں نے خودسپردگی کی ہے۔ اِن ماؤنوازوں نے پولیس اور CRPF کے سینئر افسران کے سامنے ہتھیار ڈالے۔ اِن ماؤنوازوں پر کُل 13 لاکھ روپئے کے انعام کا اعلان کیا گیا تھا۔ اِن میں سے دو ماؤنوازوں پر پانچ-پانچ لاکھ روپئے، جبکہ دیگر تین ماؤنوازوں پر ایک-ایک لاکھ روپئے کے انعام کا اعلان کیا گیا تھا۔ یہ ماؤنواز مختلف واقعات میں ملوث تھے۔ پولیس کے سپرنٹنڈنٹ نے بتایا کہ ہتھیار ڈالنے والے ماؤنوازوں کو چھتیس گڑھ حکومت کی بازآباد کاری سے متعلق پالیسی کے تحت ہر ایک کو 25 ہزار روپئے کی رقم فراہم کی گئی ہے۔