قومی راجدھانی میں جاری کھیلو انڈیا پیرا گیمس میں پاور لفٹر جھنڈو کمار اور سیما رانی نے قومی ریکارڈز توڑ دئیے ہیں۔
پنجاب کی سیما رانی اور بہار کے جھنڈو کمار نے اپنی شاندار کارکردگی سے تاریخ رقم کی ہے۔ سیما رانی نے 61 کلوگرام زمرے میں 97 کلو گرام اٹھاکر ایک قومی ریکارڈ بناتے ہوئے سونے کا تمغہ حاصل کیا۔ اسی زمرے میںزینت خاتون نے چاندی کا اور M. Nathiya نے کانسے کا تمغہ جیتا ہے۔
جھنڈو کمار نے 72 کلو گرام زمرے میں قومی ریکارڈ توڑتے ہوئے 206 کلوگرام وزن اٹھاکر سونے کا تمغہ حاصل کیا۔ اسی زمرے میں رامو بھائی نے چاندی کا اور وکرم سنگھ نے کانسے کا تمغہ جیتا۔
آکاشوانی نیوز سے بات کرتے ہوئے جھنڈو کمار نے کہا کہ یہ اُن کے لئے نہایت مخصوص تجربہ ہے اور اب وہ مستقبل کے مقابلوں کی تیاری پر توجہ مرکوز کریں گے۔
شوٹنگ میں پیرس اولمپکس میں تمغہ جیتنے والی مونا اگروال نے مکس 50 میٹر پرون SH1 زمرے میں سونے کا تمغہ حاصل کیا، جبکہ آنند کرشنن نے چاندی کا اور سچن Siddannavar نے کانسے کا تمغہ جیتا۔
اس کے علاوہ راجستھان کے نہال سنگھ نے مکسڈ 25 میٹر پسٹل SH1 زمرے میں سونے کا تمغہ حاصل کیا۔ اسی زمرے میں امیر احمد بھٹ نے چاندی کا اور سندیپ کمار نے کانسے کا تمغہ حاصل کیا۔