حکومت پارلیمنٹ کے موسم سرما کے اجلاس سے قبل کَل سبھی پارٹیوں کی ایک میٹنگ کرے گی۔ میٹنگ کی صدارت وزیردفاع راجناتھ سنگھ کریں گے۔ میٹنگ میں حکومت سبھی سیاسی پارٹیوں سے تعاون طلب کرے گی تاکہ اجلاس کے دوران، لوک سبھا اور راجیہ سبھا کا کام کاج بلا رُکاوٹ چلائے جانے کو یقینی بنایا جاسکے۔ موسم سرما کا اجلاس پیر کو شروع ہوگا اور یہ 20 دسمبر تک جاری رہے گا۔ البتہ یومِ آئین کی یاد کے دِن کے موقع پر 26 نومبر کو پارلیمنٹ کا اجلاس نہیں ہوگا۔