وزیر دفاع راجناتھ سنگھ نے آج نئی دلّی میں وزارت کی مشاورتی کمیٹی کی ایک میٹنگ کی صدارت کی۔ میٹنگ میں نئے دفاعی پبلک سیکٹر اَنڈر ٹیکنگس DPSUs کے کردار اور کام کاج پر تبادلہ خیال ہوا۔ میٹنگ کے دوران مالی اعداد وشمار، جدیدکاری، کیپٹل اخراجات، برآمدات، تیار شدہ نئے پروڈکٹ، تحقیق اور ترقی کے جاری پروجیکٹوں کے بارے میں کمیٹی ممبروں کو آگاہ کیا گیا۔اِس موقع پر اظہارِ خیال کرتے ہوئے جناب سنگھ نے کہا کہ یہ نئے DPSUs جدید کاری کو آگے بڑھائیں گے اور عالمی سطح کی ٹیکنالوجیز کا استعمال کرتے ہوئے نئے معیار تیار کریں گے۔ انھوں نے مزید کہا کہ یہ DPSUs بھارت کو دفاعی پیداوار کے شعبے میں آتم نربھر بنائیں گے۔