لوک سبھا میں آج بھارت کے آئین کے 75 سال کے شاندار سفر پر ایک خصوصی بحث شروع ہوئی۔ بحث کا آغاز کرتے ہوئے وزیر دفاع راج ناتھ سنگھ نے کہا کہ بھارتی آئین نے سماجی، اقتصادی، سیاسی اور ثقافتی زندگی کے سبھی پہلوؤں کا احاطہ کرتے ہوئے ملک کی تعمیر کی راہ ہموار کی ہے۔ انہوں نے کہا کہ آئین، ملک کی تمدنی اقدار کا اظہار ہے۔ انہوں نے کہا کہ آئین میں کسی ایک واحد پارٹی کا تعاون نہیں ہے بلکہ یہ بھارت کی اقدار کے ساتھ منسلک تبدیلی لانے والی ایک بے مثال دستاویز ہے۔ بحث میں حصہ لیتے ہوئے کانگریس کی پرینکا گاندھی واڈرہ نے کہا کہ آئین، شہریوں کو تحفظ فراہم کرنے کا ایک وسیلہ ہے۔ انہوں نے الزام عائد کیا کہ یکطرفہ مداخلت اور نجکاری کے ذریعے حکومت ریزرویشن کو کمزورکرنے کی کوشش کر رہی ہے۔بحث میں حصہ لیتے ہوئے سماجوادی پارٹی کے اکھلیش یادو نے کہا کہ آئین، جمہوریت کی روح ہے اور یہ ملک میں محروم اور پسماندہ لوگوں کا اصولی محافظ ہے۔