وزیردفاع راجناتھ سنگھ اور مالدیپ کے اُن کے ہم منصب محمد غسان مامون نے آج دو طرفہ دفاعی اشتراک کے مختلف پہلوؤں کا جائزہ لیا، جس میں تربیت، مسلسل فوجی مشقیں اور دفاعی پروجیکٹ شامل ہیں۔ یہ باہمی بات چیت آج نئی دلّی میں ہوئی۔ بات چیت کے دوران طرفین نے بھارت- مالدیپ جامع اقتصادی اور بحری سلامتی سے متعلق شراکت داری کے مشترکہ نظریے کیلئے مل کر کام کرنے کے پختہ عزم کا اعادہ کیا۔
وزیر دفاع راج ناتھ سنگھ نے دفاعی تیاریوں کی خاطر صلاحیت میں اضافے کے سلسلے میں مدد کیلئے بھارت کی رضامندی کو دوہرایا، جس میں مالدیپ کی ترجیحات اور بھارت کی پڑوس مقدم کی پالیسی کے مطابق مالدیپ کو دفاعی پلیٹ فارم فراہم کرنا اور اُس کی صلاحیتوں میں اضافہ کرنا شامل ہے۔
جناب مامون نے مالدیپ کیلئے مدد کی خاطر سب سے پہلے ملک کے طور پر بھارت کے تاریخی رول کی ستائش کی۔ انہوں نے جدید بنیادی ڈھانچے اور دفاعی اور سکیورٹی اہلکاروں کی تربیت میں مالے کی مدد کرنے کیلئے بھارت کا شکریہ ادا کیا۔ مالدیپ کی درخواست پر بھارت نے مالدیپ کو دفاعی ساز و سامان اور اسٹور سونپے ہیں۔ سوشل میڈیا کی ایک پوسٹ پر جناب سنگھ نے کہا کہ بات چیت سود مند رہی اور اِس سے بھارت-مالدیپ تعلقات مزید مستحکم ہوں گے۔ مالدیپ کے وزیر دفاع بھارت کے تین روزہ دورے پر ہیں۔ x