وزیر داخلہ امت شاہ نے زور دے کر کہا کہ پورا شمال مشرقی خطہ، وزیراعظم نریندرمودی کی قیادت میں ترقی کی راہ پر گامزن ہے۔ وہ کَل ویڈیو کانفرنس کے ذریعہ تریپورہ سرکار میں دو ہزار 800 سے زیادہ تقرر ناموں کی تقسیم کے پروگرام سے خطاب کررہے تھے۔ انہوں نے اجاگر کیا کہ تریپورہ کی سرکار کسی تفریق، سفارش یا بدعنوانی کے بغیر، مکمل شفافیت کے ساتھ ملازمتیں فراہم کررہی ہے۔

وزیر داخلہ نے اس بات کو اجاگر کیا کہ پچھلے دس سالوں میں نریندرمودی کی حکومت نے ریاست میں امن و امان قائم کرنے کیلئے تریپورہ میں تین سمجھوتے کئے ہیں۔

وزیر داخلہ نے مزید کہاکہ نریندرمودی حکومت کی پالیسیوں نے زمینی طور پر محدود ریاست تریپورہ کو زمینی رابطوں والی ریاست میں تبدیل کردیا ہے۔

امت شاہ نے کہا کہ تریپورہ میں مسلح گروپوں کا صفایا کردیا گیا ہے، انھوں نے خودسپردگی کردی ہے اور وہ اصل دھارے میں شامل ہوگئے ہیں۔

جناب شاہ نے یہ بھی کہا کہ مودی حکومت نے مستقل رہائش، تعلیم، صحت، دیکھ بھال، روزگار کے مواقع فراہم کرکے Bru-Reang لوگوں کی زندگی میں مثبت تبدیلی لائی ہے۔ x