وزیر خارجہ ڈاکٹر ایس جے شنکر اس مہینے کی 16 سے 17 تاریخ تک ماریشس کا سرکاری دورہ کریں گے۔ دورے کے دوران وزیر موصوف ماریشس کے وزیر اعظم Pravind Jugnauth سے ملاقات کریں گے اور ماریشس کے دیگر سینئر وزرا کے ساتھ باہمی میٹنگ بھی کریں گے۔ وہ ماریشس کے دیگر سرکردہ لیڈروں سے بھی ملاقات کریں گے۔ وزارت خارجہ کے مطابق یہ دورہ، فریقین کے لیے باہمی تعلقات کی مختلف جہتوں کا جامع جائزہ لینے کا موقع فراہم کرے گا۔ وزارت نے کہا کہ یہ دورہ بھارت-ماریشس تعلقات کی اہمیت کو اُجاگر کرتا ہے اور یہ بھارت کی ’پڑوسی سب سے پہلے پالیسی‘ ویژن ساگر کی عکاسی کرتا ہے نیز عالمِ جنوب کے تئیں بھارت کے عزم کا اظہار کرتا ہے۔ یہ کثیر جہتی باہمی تعلقات اور قریبی عوام سے عوام کے رابطے کو مزید گہرا کرنے کے تئیں عزم کا اعادہ بھی کرتا ہے۔