وزیر خارجہ ڈاکٹر ایس جے شنکر نے کہا ہے کہ Quad، بھارت – بحرالکاہل خطے میں استحکام، ترقی اور خوشحالی کیلئے ایک اہم طاقت ہے۔ ایک سوشل میڈیا پوسٹ میں ڈاکٹر جے شنکر نے، آسٹریلیا کے وزیر خارجہ تاکیشی اِوایا اور امریکی وزیرِ خارجہ اینٹنی بلنکن کے ساتھ مل کر خطے کی ضروریات کو پورا کرنے کے عزم کو دوہرایا ہے۔ Quad کے 20 سال پورے ہونے کے موقع پر Quad وزرائے خارجہ کے ایک مشترکہ بیان میں کہا گیا ہے کہ کسی قدرتی آفت سے نمٹنے کیلئے، جو کچھ ایمرجنسی کارروائی کے طور پر شروع کیا گیا تھا، وہ اب پوری طرح شراکت داری میں بدل گیا ہے۔ بیان میں یہ بھی کہا گیا ہے کہ اب Quad ممالک بھارت – بحرالکاہل میں مل کر کام کررہے ہیں۔ بیان میں پیچیدہ چیلنجوں سے نمٹنے کی بات بھی کہی گئی ہے۔ اِن چیلنجوں کا تعلق آب و ہوا کی تبدیلی کی روک تھام، کینسر اور وبائی بیماریوں سے نمٹنے سے لے کر کوالٹی بنیادی ڈھانچے، دہشت گردی کی روک تھام کی کوششوں اور سائبر سکیورٹی تک کے معاملات شامل ہیں۔ x