وزیر خارجہ ڈاکٹر ایس جے شنکر نے کَل شام کویت میں آگ کے سانحے کے تعلق سے کویت کے اپنے ہم منصب عبد اللہ علی Al-Yahya سے بات کی۔ ایک سوشل میڈیا پوسٹ میں جناب جے شنکر نے کہا کہ انھیں اِس سلسلے میں کویت کے حکام کے ذریعے کی گئی کوششوں سے واقف کرایا گیا۔ انھوں نے کہا کہ انھیں اس بات کی یقین دہانی کرائی گئی ہے کہ واقعے کی مکمل جانچ کی جائے گی اور جواب دہی طے کی جائے گی۔
ڈاکٹر جے شنکر نے اس بات پر زور دیا کہ جو لوگ اِس حادثے میں ہلاک ہوئے ہیں، ان کے باقیات کو جلد واپس بھیجا جائے۔ کویت کے وزیر خارجہ نے زور دے کر کہا کہ جو لوگ زخمی ہوئے ہیں انھیں ضروری طبی دیکھ بھال فراہم کی جا رہی ہے۔
وزیر خارجہ نے کہا کہ آج خارجی امور کے وزیر مملکت کے۔وی۔سنگھ کے پہنچنے کے بعد صورتحال کا جائزہ لیا جائے گا۔