وزیر خارجہ ڈاکٹر ایس جے شنکر نے اِس بات پر زور دیا ہے کہ بھارت اور چین کے درمیان تعلقات میں فروغ کیلئے سرحدی علاقوں میں امن و سکون کی برقراری اوّلین ترجیح ہے۔ وزیر موصوف، بھارت- چین تعلقات سے متعلق حالیہ واقعات پر آج لوک سبھا میں بیان دے رہے تھے۔
اپریل-مئی 2020 میں مشرقی لداخ میں بھارت-چین افواج کے درمیان محاذ آرائی پر ڈاکٹر جے شنکر نے کہا کہ بھارت اور چین کے درمیان رشتے، چین کے اقدامات کے سبب سرحدی علاقوں میں امن و سکون کی صورتحال بگڑنے کے تناظر میں 2020 سے معمول کے مطابق نہیں ہیں۔