وزیر خارجہ ایس جے شنکر آج نئی دلی میں نیپال کی اپنی ہم منصب آرزو رانا دیوبا سے بات چیت کریں گے۔ ڈاکٹر دیوبا کَل بھارت کے پانچ روزہ دورے پر نئی دلی پہنچی ہیں۔
ایک بیان میں وزارت خارجہ نے بتایا کہ یہ دورہ، بھارت اور نیپال کے درمیان اعلیٰ سطح کے لگاتار دوروں کی روایت کے تحت کیا جارہا ہے۔ وزارت نے بتایا کہ نیپال، بھارت کی ’پڑوس مقدم پالیسی‘ کا ترجیحی ملک ہے۔ وزارت نے کہا کہ اِس دورے سے دونوں ملکوں کو ایک موقع ملے گا کہ وہ دو طرفہ تعاون میں پیشرفت کا جائزہ لیں اور اِس دورے سے دونوں ملکوں کے درمیان تعلقات کو مزید آگے بڑھانے میں مدد ملے گی۔x