وزیر اعظم نریندر مودی کل آکاشوانی پر ’من کی بات‘ پروگرام میں ملک اور بیرون ملک کے لوگوں کے ساتھ اپنے خیالات کا اظہار کریں گے۔ ماہانہ ریڈیو پروگرام کا یہ 118 واں ایپی سوڈ ہوگا۔ یہ پروگرام آکاشوانی اور دور درشن کے تمام نیٹ ورک، آل انڈیا ریڈیو نیوز کی ویب سائٹ اور newsonair موبائل ایپس سے نشر کیا جائے گا۔ اِسے airnews، ڈی ڈی نیوز، PMO اور اطلاعات اور ٹیکنالوجی کی وزارت کے یوٹیوب چینلوں سے بھی براہ راست سنا جاسکے گا۔ ہندی نشریے کے فوراً بعد آکاشوانی سے علاقائی زبانوں میں یہ پروگرام نشر کیا جائے گا۔