وزیر اعظم نریندر مودی نے پی ایم گَتی شکتی قومی ماسٹر پلان کے تین سال مکمل ہونے کی ستائش کی ہے اور کہا ہے کہ یہ پہل بھارت کے بنیادی ڈھانچے کے شعبے میں انقلاب لانے میں ایک بڑی تبدیلی ثابت ہوئی ہے۔ ایک سوشل میڈیا پوسٹ پر جناب مودی نے کہا کہ گَتی شکتی سے کثیر رخی کنکٹی وِٹی میں اضافہ ہوا ہے اور مختلف شعبوں میں تیزی کے ساتھ اور موثر انداز سے پیشرفت ہوئی ہے۔

وزیر اعظم نے یہ بھی کہا کہ مختلف متعلقہ اداروں کے خوش اسلوبی کے ساتھ مربوط ہونے سے لاجسٹکس کو فروغ حاصل ہوا ہے، تاخیر ہونے کے واقعات کم ہوئے ہیں اور کئی لوگوں کیلئے نئے مواقع پیدا ہوئے ہیں۔

جناب مودی نے کہا کہ گتی شکتی کی بدولت ملک، وِکست بھارت کے نظریے کی تکمیل کو رفتار دے رہا ہے اور اِس سے ترقی، پیشرفت، کاروبار اور اختراع کی حوصلہ افزائی ہوگی۔ x