وزیر اعظم نریندر مودی نے اِس اعتماد کا اظہار کیا ہے کہ بھارت، عالمی سیمی کنڈکٹر صنعت کو آگے لے جانے میں ایک کلیدی کردار ادا کرنے جارہا ہے۔ وزیر اعظم آج گریٹر نوئیڈا میں  Semicon India 2024کا افتتاح کرنے کے بعد اظہارِ خیال کررہے تھے۔ انہوں نے کہا کہ حکومت ملک میں Chip کی تیاری میں اضافے پر توجہ مرکوز کررہی ہے تاکہ سبھی آلات میں بھارت میں تیار کردہ Chips استعمال ہوسکیں۔ وزیر اعظم نے کہا کہ حکومت نے سیمی کنڈکٹر مینوفیکچرنگ سہولیات کو قائم کرنے میں مدد فراہم کئے جانے سمیت ملک میں سیمی کنڈکٹر مینوفیکچرنگ کو جدید بنانے کیلئے بہت سے اقدامات کئے ہیں۔

ایک اور پروگرام میں وزیر اعظم نے اِس بات پر زور دیا کہ آب و ہوا کی تبدیلی اور توانائی کی منتقلی عالمی تشویش کے معاملات ہیں اور کاربن کے اخراج کو ختم کرنے کیلئے گرین ہائیڈروجن کے اثرات کو فروغ دینے کیلئے بین الاقوامی شراکت داری نہایت ضروری ہے۔ آج ورچوئل وسیلے سے گرین ہائیڈروجن کے موضوع پر بین الاقوامی کانفرنس سے خطاب کرتے ہوئے، وزیر اعظم نے کہا کہ گرین ہائیڈروجن، اُن صنعتوں کو کاربن سے پاک بنانے میں مدد کرسکتی ہے، جن کو بجلی سے چلانا مشکل ہے۔ x