وزیر اعظم نریندر مودی نے آج نئی دلّی میں چیف سکریٹریوں کی چوتھی قومی کانفرنس کی صدارت کی۔ جناب مودی کَل کانفرنس سے خطاب کریں گے۔ تین روزہ کانفرنس کا آغاز کَل ہوا تھا۔ اس کانفرنس میں ترقی کے مشترکہ ایجنڈے کے ارتقا اور عمل آوری پر توجہ کی جارہی ہے۔ نیز ریاستوں کے ساتھ شراکت داری کے معاملے میں عمل آوری کیلئے ایک خاکہ تیار کیا جارہا ہے۔کانفرنس کا مقصد مرکز اور ریاستی سرکاروں کے درمیان شراکت داری کو مزید مستحکم کرنا ہے، ساتھ ہی امدادِ باہمی پر مبنی وفاقیت کو فروغ دینے اور تیز رفتار ترقی کی حصولیابی کیلئے بہتر تال میل کو یقینی بنانے پر توجہ کی جارہی ہے۔ کانفرنس کے دوران تمام ریاستوں اور مرکز کے زیر انتظام علاقوں کے چیف سکریٹری صاحبان، سینئر افسران اور اپنے اپنے شعبے کے ماہرین کانفرنس میں شرکت کر رہے ہیں۔