وزیر اعظم نریندر مودی نے آج سینئر سائنسداں ڈاکٹر راج گوپال چِدمبرم کے انتقال پر تعزیت کا اظہار کیا ہے۔ ایک سوشل میڈیا پوسٹ میں جناب مودی نے کہا کہ ڈاکٹر چِدمبرم بھارت کے نیوکلیائی پروگرام کے کلیدی معماروں میں سے ایک تھے۔ انہوں نے بھارت کی سائنسی اور اسٹریٹیجک صلاحیتوں کو مستحکم کرنے میں اُن کے گرانقدر تعاون کی ستائش کی۔ جناب مودی نے کہا کہ پورا ملک تشکر کے جذبے کے ساتھ اُنھیں یاد رکھے گا اور اُن کی کاوشیں آئندہ نسلوں کو تحریک دیتی رہیں گی۔