وزیر اعظم نریندر مودی نے آج نیوزی لینڈ کے اپنے ہم منصب کرسٹوفر Luxon سے ٹیلی فون پر بات کی۔ بات چیت کے دوران دونوں رہنماؤں نے آئندہ برسوں میں باہمی اشتراک کو نئی بلندیوں تک لے جانے کے اپنے پختہ عزم کو دوہرایا۔ دونوں ملکوں کے درمیان حالیہ عرصے میں اعلیٰ سطحی رابطوں میں تیزی کو اجاگر کرتے ہوئے انھوں نے مختلف شعبوں میں باہمی مفاد کے دوطرفہ تعاون کو وسعت دینے سے اتفاق کیا۔ اس میں تجارت اور اقتصادی تعاون، مویشی پروری، ادویات، تعلیم اور خلا سمیت دیگر شعبے شامل ہیں۔ وزیراعظم مودی نے نیوزی لینڈ میں بھارتی برادری کے مفادات کا خیال رکھنے کیلئے جناب Luxon کا شکریہ ادا کیا۔ جناب Luxon نے بھی اُن کی سلامتی اور خوشحالی کیلئے کوششیں جاری رکھنے کی یقین دہانی کرائی۔