وزیراعظم نریندر مودی اِس مہینے کی 15 تاریخ کو جھارکھنڈ میں جمشیدپور میں پی ایم آواس یوجنا سے مستفید ہونے والے لاکھوں افراد کو دو ہزار 745 کروڑ روپے کی قسط جاری کریں گے۔ دیہی ترقیات کے مرکزی وزیر شیوراج سنگھ چوہان نے کل ویڈیو کانفرنسنگ کے ذریعہ ریاستوں کے دیہی ترقی کے وزراء کی میٹنگ کے دوران یہ بات کہی۔ جناب چوہان نے مطلع کیا کہ  سبھی متعلقہ افراد کو منظوری کے مراسلے بھی تقسیم کیے جائیں گے۔ انہوں نے کہاکہ اِس پروگرام میں بڑی تعداد میں لوگ شرکت کریں گے جبکہ لاکھوں لوگ ورچوئل وسیلے سے اِس میں شامل ہوں گے۔